*الحمدللہ، والصلاة والسلام علی رسول اللہ ﷺ۔*
میری پیاری بہنوں!
ہم دنیا میں آزمائش کے لیے آئے ہیں،
یہ زندگی عارضی ہے، اور ہر دن ایک قدم آخرت کے قریب لے جا رہا ہے۔
تو کیا ہم نے سوچا کہ
ہم اپنے رب کو راضی کرنے کے لیے کیا کر رہے ہیں؟
کیا ہماری زندگی قرآن اور سنت کے مطابق ہے؟
کیا ہم اپنے دل، زبان، لباس، اور چال ڈھال کو اسلام کے مطابق کر چکی ہیں؟
یاد رکھیں!
پردہ صرف کپڑوں کا نہیں،
نظر، زبان اور دل کا بھی ہوتا ہے۔
نبی کریم ﷺ نے فرمایا:
*"دنیا ایک متاع (سامان) ہے، اور دنیا کی بہترین متاع نیک عورت ہے۔"*
(صحیح مسلم)
تو کیوں نہ ہم نیکی، حیا، اور صبر سے اپنی زندگی کو سجائیں؟
گھر کے کام بھی عبادت بن سکتے ہیں
اگر نیت اللہ کے لیے ہو۔
اپنی زبان سے دعا، ذکر اور اچھے الفاظ نکالیں،
اور اپنے گھر کو دین کا چراغ بنائیں۔
اللہ ہمیں نیک، صابر، باحیا اور دین پر قائم رہنے والی عورتوں میں شامل کرے۔
آمین یا رب العالمین۔
